Një dozë e tretë nxitëse e vaksinës! / Pfizer planifikon t’i kërkojë FDA autorizimin përballë variantit Delta

Pfizer planifikon t’i kërkojë rregullatorëve në SHBA që të autorizojnë një dozë nxitës të vaksinës së Covid-19 në muajin e ardhshëm, sipas shefit shkencor të kompanisë, pas të dhënave të rrezikut më të lartë të ri infektimit 6 muaj pas marrjes së vaksinës.  Shefi shkencor i Pfizer, Mikael Dolsten, tha së rënia e fundit e efektshmërisë në Izrael ka ardhur kryesisht prej infeksioneve tek njerëzit që janë vaksinuar në Janar apo Shkurt. Ministria e Shëndetësisë në vend theksoi se norma e efektshmërisë së vaksinës në parandalimin e infeksioneve simptomatike të sëmundjes ra në 64% në Qershor. Të dhënat e vetë Pfizer nga SHBA kanë treguar një  rënie të efektshmërisë tek 80-vjeçarët pas 6 muajve, sipas Dolsten.  Megjithatë ai shtoi se të dhënat nga Izraeli dhe Britania sugjerojnë se edhe me zbehjen e antitrupave, vaksina është përsëri rreth 95% efektive kundër sëmundjes së rëndë. Dolsten tha se të dhënat e hershme nga studimet e vetë kompanisë tregojnë se një dozë e tretë nxitëse gjeneron nivele të antitrupave që janë 10-fish më të larta krahasuar me 2 doza,  çka sugjeron se një dozë e tretë do ofrojë mbrojtje premtuese.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.