“Pakti për Universitetin” drejt realizimit – Rama: Plotësohet një tjetër pikë, karta e studentit me 40 shërbime

Qeveria  do të vijoj të jetë e angazhuar për plotësimin e të gjitha pikave të paktit për universitetin . Kryeministri, Edi Rama, gjatë fjalës së tij  në prezantimin  e Sondazhit Kombëtar të Studentëve  mbi cilësinë e mësimdhënies , ka garantuar  të rinjtë për plotësimin e kërkesave të tyre duke u ndalur tek  njëra prej tyre, karta e studentit,  e cila  pritet të përmbushet brenda këtij muaji  dhe  do të ofrojë 40 shërbime.

Por ajo çfarë është më e rëndësishme në këtë angazhim është  zgjerimi i mundësive për studentët nëpërmjet përfshirjes së sipërmarrjes private.

Ajo çka kryeministri  nënvizoi në këtë takim ishte fillimi i funksionimit të ligjit për arsimin e lartë dhe ndërveprimi  me studentët  që  sipas Ramës ka çuar në adresimin e problematikave dhe zgjidhjen e tyre.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.