Peticioni që i bën thirrje Brexit të ndërpritet / 5.76 milionë nënshkrime!

Një peticion që i  bën thirrje Brexit të ndërpritet me anulimin e nenit 50, do të debatohet nga deputetët me  1 prill.

“Ky është peticioni më i nënshkruar që ka marrë ndonjëherë faqja e Dhomës së Përbashkët dhe Peticioneve të Qeverisë. Ka marrë 5.75 milionë nënshkrime!” është shprehur komiteti i Peticioneve.

Deputetët do të debatojnë gjithashtu për peticionin që kërkon një referendum të dytë të Bashkimit Europian, i cili ka marrë më shumë se 120,000 nënshkrime.

Një tjetër peticion që do të diskutohet është ai që kërkon largimin e Mbretërisë së Bashkuar, me apo pa marrëveshje. Ky i fundit u nënshkrua më shumë se  140,000 herë.

J.V/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.