Powell, mbi ndikimin e Delta tek ekonomia: “Nuk është ende i qartë. Njerëzit dhe bizneset janë mësuar të përshtaten”
Kryetari i Rezervës Federale në SHBA, Jerome Powell, tha këtë javë se është ende e paqartë nëse rritja e infeksioneve me variantin Delta të koronavirusit, do të ketë ndikim të dukshëm tek ekonomia. Ai shtoi se Covid-19 do vazhdojë të qarkullojë në të ardhmen, por njerëzit dhe bizneset janë mësuar të përshtaten.
“Është e qartë që pandemia ka ndryshuar eknominë në disa mënyra. Besoj e dijmë se nuk do kthehemi mbrapsht tek ekonomia që kishim përpara pandemisë dhe do të dojë disa kohë për të parë se cilat do jenë ndryshimet. Unë mendoj se Covid ështe ende me ne dhe do vazhdojë për disa kohë. Por njerëzit dhe bizneset janë pëmirësuar dhe kanë msaur të përshtaten, pavarësisht virusit” u shpreh Powell.
Powell foli në një event në Web me mësues, studentë dhe shumica e bisedës përfshiu informacion bazë mbi bankën qendrore në SHBA dhe rëndësinë e edukimit mbi ekonominë. Megjithatë, komentet e tij të pakta mbi rimëkëmbjen tregojnë se rritja e infeksioneve dhe ngadalësimi i vaksinimit nuk ka ndikuar tek perspektiva e Rezervës Federale. Powell tha se pandemia vazhdon të shkaktojë hije tek aktiviteti ekonomik dhe se nuk mund të shpallet ende një fitore, por shtoi se shumë kompani kanë përshtatur modelet e biznesit ndaj botës së re.
Klevis Llaha/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.