Prezanca amerikane, a ka impakt ekonomik? – Ervin Bushati: Angazhimi amerikan sjell stabilitet si kërkesën kryesore të investitorëve

Reforma në Drejtësi, marrëveshja për 5G, lista e personave non grata, anëtarësimi në OKB dhe urdhri për personat e korruptuar në Ballkan janë provat kryesore të pranisë së shtuar amerikane në Shqipëri. Përtej stabilitetit dhe sigurisë së vendit tonë, duket se impakti do të jetë edhe ekonomik. Ervin Bushati ka shpjeguar për SCAN pikërisht impaktin ekonomik të angazhimit të shtuar amerikan në Shqipëri dhe në rajon.

Anëtarësimi në Këshillin e Sigurisë në OKB si dhe marrëveshja për teknologjinë 5G ishte deri tani pika kulmore e një politike amerikane që angazhohet për aderimin e Shqipërisë në organizmat më të rëndësishëm ndërkombëtar. Ndërkohë që kjo politikë sigurisht i intereson një shteti të vogël si Shqipëria, mbeten ende për tu qartësuar përfitimet ekonomike të kësaj “epoke” të re në marrëdhëniet mes dy vendeve. Ervin Bushati, deputet i PS dhe ekonomist shpjegon për SCAN karakteristikat e impaktit ekonomik si pasojë e kësaj marrëdhënie të re “dashurie” mes dy vendeve.

“Nga pikëpamja politike dhe diplomatike që nesër është edhe stabilitet ekonomik sepse ka të bëjë me sigurinë që si vend anëtar në NATO, si vend në këshillin e sigurimit në UN, dhe të gjitha këto janë garanci më shumë aq më tepër që janë edhe faktorë ku bizneset amerikane qoftë këto shtetërore apo të iniciuara nga pikëpamja e departamentit të shtetit apo kompani të ndryshme e shikojnë shumë më të sigurt dhe e shikojnë në vendet e listës së sigurt ku mund të investosh. Ne bëhemi palë me një lloj teknologjie e cila do të jetë e së nesërmes dhe do të jetë e formatit perëndimor”, është shprehur Bushati.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.