Protestat e dhunshme në Bjellorusi – Liderja e opozitës largohet në Lituani, pasi sfidoi Lukashenkon

Liderja e opozitës në Bjellorusi, Svetlana Tikhanouskaya, është larguar te fëmijët e saj në Lituaninë fqinje, sipas ministrisë së Jashtme, pas 2 netësh të protestave të dhunshme, që ndoqën rizgjedhjen e presidentit Alexander Lukashenko. Tikhanouskaya doli nga hiçi pak javë më parë duke i sjellë sfidën më të madhe ndër vite sundimit të Lukashenko, duke garuar për zgjedhje pas burgosjes së burrit të saj blogger.  “Svetlana Tikhanovskaya është e sigurt, ajo ndodhet në Lituani”,- shkroi në Twitter ministri i Jashtëm i Lituanisë, Linas Linkevicius.

Ka patur shqetësime mbi vendndodhje e Tikhanouskayas  pasi ekipi i saj i fushatës bëri të ditur se nuk ka patur mundësi ta kontaktojë në telefon, disa orë pasi ajo u largua nga një takim me zyrtarët e komisionit qendror të zgjedhjeve.   Të paktën një person ka ndërruar jetë prej përplasjes së protestuesve me policinë në nisje të Javës, pasi opozita akuzoi Lukashenko për manipulimin e votave dhe kritika ndaj liderëve perëndimorë.   Në pushtet për më shumë se çerek shekulli,  Lukashenko i krahasoi protestuesit me banda kriminale me mbështetje të padukshme nga jashtë vendit.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.