Pse efektiviteti i vaksinave Pfizer dhe Moderna do të jetë i dobishëm edhe kundër pandemive të ardhshme?!

Mbipopullimi, i kombinuar me futjen e specieve të tjera të kafshëve në territore, konsumi i pyjeve, intensiteti i blegtorisë dhe një kompleks faktorësh të tjerë herët a vonë favorizuan një përhapje të fortë kudo në botë. Për çdo kërcënim të ri te njerëzit, ose mutacione të mundshme me kalimin e kohës të vetë SARS-CoV-2, provat që vijnë nga testet në vaksinat më të përparuara janë një element me rëndësi të konsiderueshme. Sepse nëse vërtetohet vërtet suksesi i provave Pfizer-BioNTech dhe Moderna (plus të gjithë të tjerët që do të ndiqen), kjo nënkupton që, potencialisht, ne do të kemi një armë të re të fuqishme kundër pandemive të ardhshme dhe jo vetëm COVID-19.

Cila është pika e kthesës

Arsyeja qëndron në mekanizmin e zgjuar të funksionimit prapa bazës së të dyja vaksinave, domethënë teknologjisë premtuese të mesazheve RNA. Është një klasë e re vaksinash e përbërë nga një sekuencë mARN që kodon për një proteinë specifike (antigjen). ARN-ja e dërguar e bartur nga pikat lipidike brenda trupit të personit prodhon proteinë spike që virusi përdor për të fiksuar qelizat njerëzore dhe për të depërtuar në to ”, përmbledh Massimo Ciccozzi, kreu i Njësisë së Kërkimit në Statistikat Mjekësore dhe Epidemiologjinë molekulare në Universitetin Campus Bio-Medico.

Në thelb, qelizat shndërrohen në fabrika të substancave të afta për të asgjësuar kërcënimin e virusit. “Ky lloj është më i sigurt dhe ka më pak efekte anësore sesa vaksinat e virusit të pa aktivuar. Është më e lehtë për t’u prodhuar sesa ato tradicionale dhe nuk përmban asnjë agjent infektiv. Për më tepër, procesi i prodhimit është më i lirë dhe më i shpejtë dhe për këtë arsye ka një përdorim të madh në luftimin e patogjenëve në evolucion të plotë (virusi i gripit dhe sot rasti i SARS-CoV-2)”.

Në vaksinat e ARN-së, një sekuencë gjenetike e një antigjeni specifik të agjentit mund të futet drejtpërdrejt në trup përmes një automjeti që mund të jetë pikat lipidike ose vektorët adenovirus të tipit njerëzor ose shimpanze. “Kjo sekuencë mARN përdoret më pas nga makineria e sintezës së qelizës pritëse për të prodhuar antigjenin, proteinën dhe në rastin e SARS-CoV-2 ‘spike-un’”. (Ilsole24ore)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.