Putin: Krimea është përgjithmonë pjesë e Rusisë!

Presidenti rus Vladimir Putin shënoi festën kombëtare të Unitetit me një udhëtim në Krime, duke deklaruar se rajoni do të jetë gjithmonë pjesë e Rusisë.

Rusia aneksoi Krimenë nga Ukraina në vitin 2014 – një lëvizje që vendet perëndimore e konsiderojnë si të paligjshme – në vazhdën e përmbysjes së presidentit miqësor të Ukrainës ndaj Kremlinit.

Putin e lartësoi aneksimin ndërsa vizitoi Sevastopolin, qytetin që është porti i flotës ruse të Detit të Zi.

Dita e Unitetit shënon dëbimin në 1612 të forcave polako-lituaneze që pushtuan Moskën; festa filloi në vitin 2005, duke zëvendësuar përkujtimin e epokës sovjetike në atë datë të Revolucionit Bolshevik.

Dita u bë gjithashtu një rast për marshime kundër emigrantëve nga nacionalistët, por autoritetet e Moskës ndaluan që kjo ngjarje të zhvillohej në kryeqytetin rus këtë vit.

Rreth 20 persona u arrestuan ndërsa përpiqeshin të mblidheshin në një stacion metroje në Moskë për një demonstratë nacionaliste, sipas OVD-Info, një grup që monitoron demonstratat dhe arrestimet politike. EN

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.