Qytetet më të shtrenjta në Botë Covid-19 “shkartis” listën. Zyrihu dhe Parisi në vend të parë. “Bie” Singapori dhe Osaka

Zyrihu dhe Parisi kanë zëvendësuar renditjen e Singaporit dhe Osakas në raportin e qyteteve më të shtrenjta në botë. Dy qytetet aziatik, i bashkoheshin më parë Hong Kongut në renditjet kryesore. Indeksi i kostos së jetesës nga Njësia e Inteligjencës e “Economist”,  tregon se si pandemia e koronavirusit ka ndikuar çmimin e mallrave dhe shërbimeve në mbi 130 qytete deri në Shtator 2020.  Sipas raportit, Zyrihu dhe Parisi kaluan në vend të parë, së bashku me Hong Kongun,  prej fuqizimit të frangës zvicerane dhe euros. “Pandemia e Covid-19 ka shkaktuar dobësimin e dollarit, ndërkohë që valutat e Europës Perëndimore dhe Azisë së Veriut janë fuqizuar në raport me të, ç’ka ka ndikuar tek çmimi i mallrave dhe shërbimeve”, – sipas raportit të “The Economist”.

Qytetet aziatikë kanë mbizotëruar zakonisht renditjet në vitet e fundit, por pandemia ka shkartisur pozicionet tek edicioni i këtij viti. Singapori, që ndodhet tashmë në vend të katërt, pati rënie të çmimeve për shkak të një ekzodi të punëtorëve të huaj, sipas raportit.  Ndërkohë që popullsia e Singaporit është tkurrur për të parën herë që prej vitit 2003, kërkesa ka rënë dhe është shfaqur deflacioni. Osaka ka patur trend të ngjashëm, me çmimet e konsumit që ndodhe në stanjacion dhe qeveria japoneze po subvencionon kosto si transporti publik. Osaka ndan tashmë vendin e pestë me Tel Avivin. Çmimet e shumicës së mallrave dhe shërbimeve kanë qenë kryesisht të palëvizshme në vitin e kaluar, por kategoritë janë ndikuar prej krizës së Covid-190. Kosto e produkteve bazë si ushqimi dhe uji nuk kanë lëvizur, por kërkesa e ulët ka shkaktuar rënien e madhe të çmimit të veshjeve. Sipas raportit, problemet e zinxhirin e furnizimeve kanë shkaktuar goditje të ndryshme në disa mallra, duke rritur çmimin e produkteve si kompjuterët në disa qytete.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.