Rama mbledh qeverinë të premten dhe të shtunën në Vlorë. Ministrat takime me deputetët e qarkut
Ashtu siç kishte njoftuar edhe më parë, kryeministri Rama do të mbledhë kabinetin qeveritar në Vlorë.
Kështu, qeveria do të zhvillojë mbledhjen e radhës në këtë qytet të premten dhe të shtunën, pas mbledhjes së zhvilluar para pak kohësh në Velipojë.
Kjo mbledhje bëhet në vijim të pororisë së kryeministrit për të zhvendosur qeverinë në rrethe. Po kështu mësohet se ministrat do të kenë takime me institucione dhe me deputetë të qarkut.
Deklarata e Ramës në mbledhjen e grupit të PS, më 14 shtator 2017, për zhvillimin e mbledhjes së qeverisë në qarqe.
“Qeveria gjatë një viti politik do të mblidhet një herë në çdo qark, jo si një mbledhje simbolike që po shkojmë me projektvendimet në krah, por për t’u spostuar në çdo qark një here në vit dhe për të qëndruar atje me shumë, për të kaluar kohe dhe për të punuar me ekipin e deputeteve, për të thirrur në dëgjesa drejtuesit e institucioneve, për takime me komunitetin dhe pushtetin vendor. Çdo ministër një herë në muaj do të jetë në një qark”, deklaroi Rama.
Axhenda
13 Tetor
10:30 Nisja për në Vlorë
11:30 Inspektim i investimeve për rehabilitimin e skemës së Ujitjes Dega e Krutjes (në dalje te Lushnjës, Klubi i Shoferit, KM, Niko Peleshi, deputetët e zonës)
13:00 Drekë me ministrat në Vilën Qeveritare Vlorë
16:00 Mbledhje e Këshillit të Ministrave (Pallati i Kulturës)
16:30 Njoftim në media i vendimeve të qeverisë nga Zv.kryeministren Senida Mesi (Pallati i Kulturës)
18:00 Konsultimi Publik për Buxhetin 2018 me pjesëmarrje të qytetarëve, shoqërisë civile dhe sipërmarrjes për Draft Buxhetin 2018( Holli i Universitetit Ismail Qemali) LIVE.
20:00 Darkë – Çdo ministër një tryezë me 10 të ftuar të dalluar nga sektori i tij. KM me kryebashkiakët, deputetët, kryetarët e këshillave, prefektin
14 Tetor
8:00 Çdo Ministër mëngjes pune me drejtuesit e institucioneve të varësisë në qark
9:00 Mbledhje e KM dhe Ministrave me të gjithë drejtuesit e Administratës qendrore në qark. LIVE (Pallati i Kulturës)
10:30 Dëgjesë me Prindërit për “Planet e bashkëhartuara me prindërit në shkolla” (KM, Nikolla, Kryetari Bashkisë)
12:00 Çdo anëtar i qeverisë niset në fshatra të ndryshëm për takime në sektorët përkatës dhe kafe/dreke me banorë të fshatit .
KM vizitë në Kaninë dhe Drekë me një familje në fshatin e Kaninës.
Ministri i Infrastrukturës dhe Energjisë – Kaninë.
Ministri Bujqësisë dhe Zhvillimit Rural – Novoselë, ferma
Ministrja e Kulturës – Orikum, Parku
Ministri i Financave dhe Ekonomisë –Vlorë, Zyra e Punës
Ministri i Mbrojtjes –Bunavi, Bestrove e Vogël baza.
Ministri për Evropën dhe Punët e Jashtme – Vlorë me studentët.
Ministrja e Arsimit, Sportit dhe Rinisë – Fshati Poro
Ministrja e Shëndetësisë dhe Mbrojtjes Sociale – ASDF
Ministri i Brendshëm – Vlorë
Ministrja e Drejtësisë – IEVK, Vlorë
Ministri i Turizmit dhe Mjedisit – Tragjas, sheshi qendror
Ministrja e Shtetit për Mbrojtjen e Sipërmarrjes – Novoselë
15:30 Inspektim i punimeve në nënstacionin e Orikumit (KM, Gjiknuri, Leli, Edmond Leka)
16:00 Vizitë në Parkun Arkeologjik të Orikumit (KM, Kumbaro, Gjiknuri, Leli, Edmond Leka)
17:00 Takim i qeverisë dhe pushtetit vendor në Qark, kryetarët e bashkive, administratorët dhe deputetët Socialistë . (Pallati Kulturës LIVE)
18:30 Kthimi në Tiranë
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.