Rastet me Koronavirus në mbarë botën arijnë në mbi 420 mijë – Dyfishohet shifra në vetëm tre ditë!

Europa dhe SHBA regjistruan një rritje të ndjeshme të numrit të viktimave dhe infeksioneve nga koronavirusi të mërkurën, ndërkohë që shifra totale në të gjithë botën ka arritur në mbi 420 mijë raste dhe mbi 18.900 vdekje.

Qendra e Burimeve Koronavirus të Johns Hopkins vlerësoi numrin e përgjithshëm, si dhe zbuloi se mbi 100,000 njerëz thuhet se janë rikuperuar nga sëmundja.

Vlerësimet janë pak më të larta sesa ato të Organizatës Botërore të Shëndetit (WHO) e cila tha të martën se Shtetet e Bashkuara kishin “potencialin” për t’u bërë epiqendra e re e pandemisë, për shkak të një “përshpejtimi shumë të madh” në infeksione.

Zëdhënësi Margaret Harris tha se 85 përqind e rasteve të reja në të gjithë botën gjatë 24 orëve të kaluara ishin nga SHBA, ku shteti i Nju Jorkut përbën të paktën gjysmën e totalitgjithsej dhe Evropën.

Presidenti Trump tha se kthimi i Amerikës në punë deri në Pashkë në 12 Prill ishte “absolutisht e mundur”, në një intervistë për Fox News – një pretendim që ai përsëriti në një konferencë për shtyp në Shtëpinë e Bardhë.

Shtetet e Bashkuara njoftuan një paketë historike të ndihmës prej 2 trilion dollarë herët të Mërkurën për të kundërshtuar efektet ekonomike të pandemisë.

Shumë vende kanë vazhduar të raportojnë raste të rritura dhe fatalitete në mes të pandemisë, dhe çdo ditë e mëshumë shtete po shpallin gjendjen e jashtëzakonshme duke mbyllur e bllokuar biznese, punn dhe lëvizjen e njerëzve.(Euronews)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.