Rregulli i parë i Bankave Private të Gjenevës: Mos jetoni në Francë

Bankat private të Gjenevës kanë një rregull jo shumë të njohur që nuk para diskutohet me të huajt. Menaxherët e pasurisë në qendrën e dytë më të madhe bankare të Zvicrës i dekurajojnë privatisht punonjësit që të jetojnë përtej kufirit, në Francën fqinje. Në një qytet ku më shumë se 80.000 njerëz të njohur si frontalierë kalojnë kufirin për punë, firmat siç janë Banque Pictet & Cie SA, Lombard Odier dhe Union Bancaire Privee preferojnë që bankierët e tyre të shmangin udhëtimin. Ata thonë se është një çështje e mbështetjes së ekonomisë lokale, por disa tregojnë një arsye tjetër: shqetësimi që udhëtimet e tilla mund të ekspozojnë të dhëna të ndjeshme ndaj ‘kuriozitetit’ të autoriteteve franceze të taksave.

Rregulli cenon interesin e punonjësve që kërkojnë kushte më të përballueshme të jetesës kundër një kulture të thellë të anonimatit në bankat shekullore private të Gjenevës. Ndërkohë që llogaritë e fshehta zvicerane janë një gjë e së kaluarës pas goditjes së SHBA dhe Evropës ndaj evazionit fiskal rreth një dekadë më parë, lëvizjet ndërkufitare kanë ardhur në fokus përsëri pasi një gjykatë e Parisit këtë vit urdhëroi UBS Group AG të paguajë një gjobë rekord me akuzën së kishte ndihmuar klientët t’i shmangeshin taksave.

Origjina e kodit të bankierit është e paqartë. Mirabaud tha se është më shumë një politikë sesa një rregull dhe filloi të shfaqet pas hapjes së tregjeve në Europë, e cila ndikoi në lehtësimin e punësimit të të huajve. Të tjerë thonë se praktika u shfaq pas një shkeljeje të të dhënave në njësinë zvicerane të HSBC një dekadë më parë. Për Luc Thevenoz, drejtor i Qendrës së Bankës dhe Financave të Universitetit të Gjenevës, kjo është një traditë e vjetër, e kohës së sekretit bankar zviceran.

“Natyrisht ka disa arsye sigurie”, tha Yves Mirabaud, kryetar i Shoqatës së Bankave Private Zvicerane, në një intervistë. “Kur kaloni kufirin çdo ditë ju mund të viheni nën presione të shumta“. Në krye të kësaj, tha ai, bankat preferojnë që punonjësit të shpenzojnë pagat e tyre dhe të paguajnë taksat në Zvicër dhe jo jashtë vendit.

Burimi: Bloomberg

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.