Rriten rastet e koronavirusit – Vdekjet në 1,380, të infektuarit në 63,850. Nuk ka shenja të ndaljes
Përhapja e koronavirusit nuk po tregon shenja të zbehjes, ndërkohë që autoritetet kineze raportuan ditën e Premte 5,000 raste të reja. Politikëbërësit premtuan stimuj për ekonomitë aziatike që janë goditur rëndë nga koronavirusi, ç’ka nxiti tregjet aziatik dhe ato kinezë. Komisioni Kombëtar i Shëndetit në Kinë, deklaroi se ka regjistruar 121 vdekje dhe 5,090 raste të reja të koronavirusit, duke e çuar totalin e të infektuarve në 63,851.
Rreth 55,750 persona po trajtohen, ndërkohë që 1,380 kanë vdekur nga virusi i ngjashëm me gripin, që u shfaq në qendrën e Hubeit në muajin Dhjetor. Ekspertët thonë se të dhënat e reja nuk tregojnë për një pikë të kthesës të infeksionit.
Shkencëtarët kinezë po testojnë 2 ilaçe antivirale dhe rezultatet fillestare pritet të publikohen pas disa javësh. Drejtori i një spitali në Vuhan, qytet që ndodhet në karantinë për të ndaluar virusin, tha se transfuzionet e plazmës në gjak nga pacientët e shëruar, kanë dhënë rezultate fillestare inkurajuese. Japonia konfirmoi vdekjen e parë nga koronavirusi, që shënoi vdekjen e tretë jashtë Kinës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.