Sezoni turistik 2019 – Klosi: Inspektime online, zero tolerancë për ata që nuk bëjnë detyrën

Zero tolerancë për inspektorët të cilët nuk zbatojnë detyrën  për mbarëvajtjen e sezonit turistik  të  këtij viti.

Ministri i Turizmit dhe  Mjedisit, Blendi Klosi, gjatë një analize vjetore të inspektoratit Mjedisor për vitin 2018  i bëri thirrje  inspektorëve nga inspektorate të ndryshme të kryejnë kontrolle të strukturuara on line dhe të ndjekin çdo problematikë që nxjerrin qytetarët, në të kundërt, ministri paralajmëroi largimin e  tyre nga trupa inspektuese.

Klosi iu drejtua me një thirrje edhe  operatorëve turistik  për ruajtjen  e raportit plazh publik dhe privat si edhe për vendosjen e tabelave sinjalizuese në zonën bregdetare të cilën kanë nën menaxhim.

Në këtë  analizë vjetore ishte i pranishëm edhe kryeinspektori i Përgjithshëm,  Shkëlqim Hajdari i cili nënvizoi rëndësinë  e  inspektimeve të strukturuara kryesisht në pyje, lumenj dhe gurore.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.