SHBA, një lider i gazit! Eksportet rriten në nivel rekord për 2019 /Çmimet, në rënie.
Eksportet e gazit natyror të lëngshëm në Shtetet e Bashkuara kanë shënuar një vit rekord për 2019, me një rritje prej 60% nga viti i kaluar. Megjithatë, shqetësimet për kërkesën e dobët dhe konkurrenca e ashpër mund të sjellë problem për vitin e ardhshëm. Katër facilitete të dërgesave të gazit të lëngshëm janë hapur këtë vit në Shtetet e Bashkuara dhe vendi pritet të bëhet eksportuesi më i mad hi gazit natyror të lëngshëm deri në vitin 2024. Gazi natyror i lëngshëm (LNG) shihet si një alternative për vendet aziatike që varen nga impiantet e qymyrit.
Eksportet e gazit janë rritur në vitet e fundit në Katar, Australi dhe Shtetet e Bashkuara, që janë 3 eksportuesit më të mëdhenj. Natyra e paqëndrueshme e këtij tregu është bërë e dukshëm edhe këtë vit, ku Dimri i ngrohtë në Azi ka ulur kërkesën për ngrohje, ç’ka ka devijuar importet drejt Europës. Analistët thonë se çmimet e gazit natyror të lëngshëm do të qëndrojnë të ulëta në 2020, nëse nuk vjen një dimër i ftohtë. Çmimet në Europë dhe Azi kanë rënë me 40% deri më tani për vitin, në nivelin më të ulët ndër vite.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.