Shkenca e konfirmon: Testet e shpejta nazale kanë ndjeshmëri të reduktuar Omicron!
Një studim i ri i raportuar nga New York Times mbi dy lloje të testeve të shpejta Covid të zakonshme në Shtetet e Bashkuara zbuloi se, në tre ditët e para pas infektimit, tamponët e hundës DIY mund të “humbin” virusin, edhe kur ai është i pranishëm në sasi të rëndësishme. Pse ndodh kjo dhe çfarë mund të bëjmë për të shmangur gabimet?
Analiza e studiuesve nga Shkolla e Shëndetit Publik Yale, e cila ende nuk është publikuar në rishikimin e kolegëve, u fokusua në një kampion të vogël prej 30 punonjësish nga pesë zyra të ndryshme në Nju Jork dhe Kaliforni të infektuar me Covid në dhjetor 2021, në valën e re nga Varianti Omicron. Për 10 ditë, çdo pjesëmarrës u testua çdo ditë me një test molekular klasik, dhe me teste të antigjenit nazal të dy markave të ndryshme.
Mospërputhja më e madhe midis rezultateve u vu re në fazën e parë të infeksionit, kur testet PCR ishin qartësisht pozitive në 29 nga 30 pjesëmarrës; mesatarisht u deshën tre ditë që pozitiviteti të shfaqej edhe në testet e shpejta të hundës dhe në katër raste subjektet arritën të infektonin persona të tjerë.
Është ende e paqartë nëse negativët e rreme në testet e shpejta janë për shkak të një ndjeshmërie më të ulët të antigjeneve ndaj variantit Omicron apo thjesht nga performanca më e mirë e strisheve molekulare, të cilat mbeten metoda më e sigurt diagnostikuese për Covid. Por rezultati i studimit nuk është befasi. Javën e kaluar, Administrata e Ushqimit dhe Barnave paralajmëroi gjithashtu për ndjeshmërinë e reduktuar të testeve të shpejta ndaj variantit Omicron.
Shkencëtarët e porositur nga organi rregullator në fakt kishin mbledhur mostra të mukusit nga pacientët e infektuar me variantet Omicron dhe Delta dhe holluan secilën prej tyre derisa testet e antigjenit nuk ishin më në gjendje të gjenin virusin. Testet e shpejta kanë qenë në gjendje të zbulojnë pozitivitetin më shpesh në mostrat e holluara të variantit Delta – prandaj ato janë ndoshta më pak të ndjeshme ndaj Omicron. Për momentin, kjo është një provë e pjesshme: efektiviteti i testeve të shpejta varet gjithashtu nga lloji dhe nga koha kur ato janë hedhur në treg.
Një arsye tjetër për ndjeshmërinë e reduktuar mund të lidhet me vendin ku virusi në variantin Omicron fillimisht shumëzohet. Në një nënanalizë të vogël me vetëm pesë pjesëmarrës, studiuesit e Yale zbuluan se koronavirusi arriti kulmin në pështymë disa ditë para se ta arrinte atë në hundë.
Një tjetër studim i kryer në Afrikën e Jugut dhe në pritje të rishikimit doli në përfundime të ngjashme: zbuloi se tamponët molekularë zbulojnë një numër më të madh pozitiv ndaj Omicron nëse testi kryhet në pështymë, duke marrë mostra nga goja, në mishrat e dhëmbëve ose në brendësi të faqeve.
Mund të ndodhë që në variantin e ri, koronavirusi të shumohet fillimisht në zgavrën e gojës dhe vetëm më vonë në hundë, ku është më e vështirë ta kapësh në flagrancë. Në fund të fundit, disa teste të shpejta për shitje në Mbretërinë e Bashkuar kërkojnë që materialet të merren si nga hunda ashtu edhe nga goja, për saktësi më të madhe; dhe prej ditësh në Twitter ka pasur shumë histori njerëzish që rezultuan negativë për tamponët e hundës, por pozitiv për ato të kryera në grykë. FCS
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.