Shtrenjtohet qumështi në Rusi – Danone dërgon 5000 lopë në Siberi në kërkim të qumështit të lirë
Ndalimi i Presidentit Vladimir Putin për importin e djathit në Bashkimin Europian ka rritur çmimet e qumështit në Rusi aq shumë sa që prodhuesi francez i kosit Danone po transporton rreth 5000 lopë në një fermë në Siberi për t’u siguruar që do të mund ta përballojë kërkesën.
Lopët Holstein po udhëtojnë rreth 4500 kilometra me kamionë nga Holanda dhe Gjermania për t’u rritur në një fermë afër qytetit të të Tyumen, sipas Charlie Cappettit, kreut të njësisë së Rusisë për Danonen.
Kjo duhet ta mbrojë kompaninë nga rritja e çmimit të qumështit të papërpunuar i cili është rritur 14 për qind këtë vit tha ai.
“Çmimet e qumështit kanë arritur një rritje të qëndrueshme, tha Cappetti në një intervistë në Moskë. “Kjo i vë produktet e tilla si kosi nën presion”.
Ndërsa kompania franceze e qumështit normalisht nuk investon në bujqësi, ai bëri një përjashtim nw rastin e Rusisw.
Pas ndalimit të Putinit nga importet e qumështit në vitin 2014, kërkesa për qumësht u rrit, pasi djathbërësit vendas nxituan për të zëvendësuar djathin kamember francez dhe pecorinon italiane. Kjo ka përkeqësuar edhe efektet inflacioniste të dobësimit të rublës ruse.
Danone investoi në një fermë prej 60 hektarësh me prodhuesit vendës Damate, tha Cappetti. Lopët e para filluan të ofrojnë qumësht për Danone në maj dhe një dërgesë përfundimtare e bagëtisë do të mbërrijë në shtator.
“Ne shpresojmë që inflacioni rus i qumështit do të ngadalësohet vitin e ardhshëm,” tha ekzekutivi.
Dallimi në mes të ofertës dhe kërkesës është ngushtuar pasi qumështi i ri po vjen në treg, duke përfshirë edhe fermën siberiane.
Ndërsa lehtësimi i inflacionit të qumështit mund të ndihmojë rimëkëmbjen e tregut të qumështit rus në vëllim, Danone nuk pret një rimëkëmbje të shpejtë ekonomike në vend, sipas Cappetti.
Shitjet në Rusi janë rritur në përputhje me inflacionin në gjysmën e parë dhe duhet të rriten në 2018, tha ai.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.