Si mbyllja disamujore në shtëpi do të ndryshojë tregun e banesave! Blerësit do të kërkojnë ato me hapësira, ballkone e ndriçim

Emergjenca e krijuar nga pandemia ka kushtëzuar çdo aspekt të jetës. La Stampa analizon efektet që ka pasur dhe mund të ketë te pasuritë e paluajtshme. “Italianët duke jetuar për 3 muaj brenda shtëpisë së tyre kanë parë përfitimet dhe disavantazhet e saj.

Kujtojmë faktin se në 70 % të shtëpive italiane ka vetëm 1 banjo dhe më shumë se në 30 % të tyre mungon ballkoni ose taraca. E për këtë fakt, në një periudhë mbyllje me siguri kjo ka rënduar më tej situatën ndaj edhe do të transformojë me siguri edhe kërkesën për banesat e reja” shpjegon Mario Breglia, president një instituti kërkimor në Itali ndërsa analizon tregjet dhe ekonominë.

Por, kush kërkon sot për banesa do të shohë për hapësira të jashtme, që banesa të ketë më shumë ndriçim, për më shumë dhoma ku të qendrojnë fëmijët apo ku mund të punohet. Do të duhen akoma disa muaj para se tregu imobiliar të rimarrë jetën normale dhe kjo nënkupton se këtë vit do të ketë një rënie të shitjeve mes -10 % deri në -25%.

Këshilla është që të pritet pak.  “Nëse nuk kemi të bëjmë me emergjencë për të blerë ose për të shitur është mirë që të pritet së paku 6 muaj” rekomandon Breglia.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.