Si të ndihmoni bizneset e vogla të mbijetojnë nga kriza e koronavirusit?
Puna nga shtëpia, vetë-karantinimi, anulimi i të gjitha ngjarjeve sportive dhe kulturore si dhe distanca sociale mund të ndihmojë në zbutjen e krizës së koronavirusit, por gjithashtu kërcënon të shkatërrojë bizneset e vogla. Në Seattle, tashmë të goditur nga shpërthimi i koronavirusit, një studim i kohëve të fundit zbuloi se 60% e bizneseve të vogla atje po konsiderojnë ulje pagash dhe shkurtime të stafit, ndërsa 35% thanë se mund të mbyllen, dhe më shumë se 80% presin që situata të përkeqësohet.
Derisa qeveritë federale, shtetërore dhe ato lokale të përgatisin paketa të ndryshme financiare, ekzistojnë gjithashtu disa mënyra të vogla se si individët, mund t’i ndihmojnë bizneset e tyre të preferuara të vogla të mbijetojnë edhe gjatë krizës.
Blini kartat e dhuratave
Blerja e një karte dhurate në dyqanin, teatrin ose restorantin tuaj të preferuar është një mënyrë e menjëhershme për të futur para në biznes, tha Amanda Ballantyne, drejtore kombëtare e ”The Main Street Alliance”.
Në këtë formë, bizneset do të marrin paratë e tyre sot dhe ju do të jeni në gjendje t’i përdorni ato më vonë.
Përfitoni nga uljet e cmimeve
Për të tërhequr klientët që preferojnë të qëndrojnë në shtëpi, shumë biznese ofrojnë zbritje të cmimeve. Kështu do të keni më shumë produkte apo ushqime rezervë në magazinën tuaj duke i përfituar ato më një cmim më të ulët se normalisht, por njëkohësisht duke ndihmuar dhe bizneset që të mbajnë hapur aktivitetin e tyre.
Përfitoni nga shërbimi online
Nisur nga gjendja që ka shkaktuar Covid-19 shumë prej bizneseve kanë vënë në dispozicion të klientëve të tyre shërbimin online duke paguar me kartën tuaj të kreditit dhe duke j’ua sjellë produktet deri në shtëpi.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.