Si të zgjidhni një kompjuter biznesi?

Kompjuteri i duhur mund të bëjë një ndryshim të jashtëzakonshëm në produktivitetin e kompanisë suaj. Një kompjuter i fuqishëm për biznesin do të jetë mjaft fitimprurës për kompaninë.

Duhet të zgjidhni pajisjen e duhur me cilësinë e lartë, pasi nëse do të keni një kompjuter që ka një cilësi të dobët aplikacionet në të do të funksionojnë ngadalë, dhe kompjuteri juaj mund të ngadalësohet. Në këtë mënyrë  produktiviteti dhe efikasiteti i punonjësve tuaj mund të bjerë. Ndërsa kërkoni një kompjuter biznesi, këtu janë disa tipare dhe specifikime që duhet marrë parasysh.

Procesori

Procesori është tepër i rëndësishëm në kompjuterin e biznesit tuaj. Procesori është pajisja që ju lejon të përdorni aplikacione të shumta në të njëjtën kohë. Keni parasyshë frekuencën e procesorit, shpejtësinë e procesorit të matur në hertz. Kjo është një tregues i mirë se sa shpejtë mund ta kryej punën procesori.

Hard Drive

Hard Drive është skeda ku ruhen të gjithë dokumentet. Shuma e magazinimit do të ndryshoj sipas madhësisë  së Hard Drive. Një kompjuter mesatarë biznesi ka një hapësirë prej 500 GB, por me zhvillimin e teknologjisë kompjuterat e rinjë të biznesit ofrojnë të paktën 1TB hapësirë, në këtë mënyrë ju mund të ruani qindra dokumente, imazhe dhe video.

Ram

Rami është vendi ku kompjuteri juaj ruan hapjen e shume skedave njëkohësisht në mënyrë të shpejtë. Sa me shumë aplikacione të përdorni në të njëjtën kohë, aq më i madh duhet të jetë Rami, në të kundërt kompjuteri juaj do të ngadalësohet ndjeshëm.  Ram-i ndryshon sipas modelit, për kompjuterat e biznesit duhet të keni të paktën 2GB RAM për të siguruar produktivitet optimal gjatë gjithë ditës së punës.

Ekran i madh

Nëse në biznesin tuaj bëni shpesh konferenca të ndryshme, apo keni një kompani që merret me grafik, duhet të merrni një ekran me rezolucion të lartë. Sa me i lartë të jetë rezolucioni i ekranit aq më të mprehta do të dalin fotot. Nëse rrallë punoni me imazhe ose video, zgjedhja e ekranit të kompjuterit nuk është prioritet.

Garancia

Garancia e kompjuterit është i rëndësishëm për të mbuluar çështjet teknike që dalin me pajisjen. Shumica e kompjuterëve të biznesit mbulohen vetëm për një vit, por disa nga modelet më të mira mbulohen për tre ose më shumë vite.

Në përgjithësi, qëllimi juaj është të gjeni një pajisje informatike që mund të trajtojë të gjithë punën që bëni në industrinë tuaj.

Ylber Shehu/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.