Sigurimet lanë pas pandeminë – Hajdarmataj: Faktorët që ndikuan në ecurinë pozitive të tregut

Tregu i sigurimeve ka lënë pas pandeminë COVD-19 dhe ka reflektuar rritje të qëndrueshme gjatë këtij viti, kjo për shkak të hapjes së ekonomisë, lëvizjes së qytetareve dhe rikthimit në normalitet të bizneseve. E ftuar në SCANNER, Sekretarja e Përgjithshme të Shoqatës së Siguruesve të Shqipërisë, Mimoza Hajdarmataj, rendit arsyet e perfomancës së mirë të këtij tregu edhe pse peshën më të madhe e zënë sigurimet e detyrueshme.

Ndërkohë një kontribut të rëndësishëm ka dhënë edhe zbatimi i ligjit për sigurimin e pallateve që erdhi si rrjedhojë e tërmeteve të 2019-ës.

Tregu i sigurimeve u rrit me afro 19.3 për qind në 8 muajt e parë të vitit, krahasuar me të njëjtën periudhë të 2020-ës. Sipas të dhënave të Autoritetit të Mbikëqyrjes Financiare, të ardhurat nga primet e shkruara bruto të sigurimit për periudhën janar-gusht 2021 kapën vlerën 12,6 miliardë lekëve.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.