S&P ‘djeg’ $4 trilionë! Maji, muaji më i keq që prej viteve `60

“Standard and Poors 500” ka mbyllur Majin më të keq në shtatë vite si dhe më të dobëtin që prej viteve `60, duke pësuar një rënie me 6.6%.  Përplasjet tregtare mes Kinës dhe Shteteve të Bashkuara të Amerikës si dhe përshkallëzimi i ndjeshëm i situatës ka bërë që gjatë muajit, humbja të jetë në 4 trilionë dollarë.

Kaq është shuma që është fshirë si pasojë e rënies. Ekspertët shprehen se, perspektiva flet për një rënie të mëtejshme. Në mënyrë që tregjet të rimëkëmben realisht duhet qartësi e plotë mbi Kinën dhe Meksikën, politikën në tërësi, si dhe me gjasat që Fed të ndërhyjë.

Kjo është shumë për të kërkuar, kështu që gjasat janë që situata të vazhdojë edhe për disa kohë e tillë, me tregjet që vetëm djegin para, janë të larta. Ndër 11 grupet e S&P, të gjitha kanë pësuar rënie, me përjashtim të njërit, atë të pasurive të paluajtshme që ka marrë shtysë nga rënia e yeldit të bonove 10 vjeçare, pranë nivelit më të ulët në 20 muaj.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.