SpaceX nis turizmin hapësinor – Kush janë “4 muskutjerët” e parë me fat?

Një raketë SpaceX u ngjit në orbitë mbrëmjen e së mërkurës, duke mbajtur katër persona, asnjëri prej të cilëve nuk ishte astronaut profesionist, Kështu nisi dhe misioni i parë në orbitën e Tokës, me ekuipazh tërësisht turistësh.

Ekipi përfshiu një miliarder që vetë-financoi misionin, një të mbijetuar nga kanceri, një mësues të një kolegji dhe një punonjës të “Lockheed Martin”.

Ekuipazhi do të qëndrojë në kabinën e vet për tre ditë ndërsa fluturon nëpër orbitë, para se të kthehet për një zbritje në brigjet e Floridës të Shtunën.

Për tre ditët e ardhshme, pasagjerët do të qëndrojnë në kabinë, ndërsa ajo sillet rreth planetit një herë në 90 minuta, duke udhëtuar me më shumë se 17.500 kilometra në orë, ndërsa pasagjerët shijojnë pamjen panoramike të Tokës.

SpaceX shpreson se ky do të jetë i pari nga shumë misione të ngjashme turistike, duke hapur rrugën drejt një të ardhme ku të bësh një vrapim në hapësirë, është po aq e zakonshme ​​sa të hipësh në një aeroplan.

Burimi origjinal: CNN

Përshtati në shqip: SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.