Studimi/ A ndikon grupi i gjakut në mënyrën sesi të godet Koronavirusi?

Rezultatet e para të një studimi të ri të realizuar nga gjiganti i testimit gjenetik 23andMe sugjerojnë se lloji i gjakut i një personi ndikon në faktin se sa të prekshëm janë ata nga koronavirusi dhe më konkretisht ata me tipin O duket se janë më pak të rrezikuar.

Të dhënat paraprake nga studimi – i cili është ende në zhvillim e sipër dhe përfshin 750,000 pjesëmarrës, përfshirë 10,000 të cilët i thanë kompanisë që kishin COVID-19 – tregojnë se personat me gjak të tipit O janë midis 9 dhe 18% më pak të predispozuar se ata me grupe të tjera të gjakut që të kenë testuar pozitiv për sëmundjen.

Duket se kishte pak ndryshime midis llojeve të tjera të gjakut, sipas hulumtimit, i cili ekzaminoi vetëm ndjeshmërinë dhe jo ashpërsinë e sëmundjes.

Gjetjet janë të vlefshme kur kur rregullohen në funksion të moshës, indeksit të masës trupore, përkatësisë etnike dhe sëmundjeve të tjera ekzistuese, si dhe kur të dhënat janë veçohen vetëm për punonjësit e kujdesit shëndetësor dhe përgjegjësit e tjerë të parë, sipas kompanisë.

Një studim europian i botuar javën e kaluar gjithashtu zbuloi se Tipi O është i lidhur me një rrezik më të ulët – dhe pacientët me gjakun e tipit A kanë 50% më shumë të ngjarë të kenë nevojë për oksigjen ose të kërkojnë një ventilator.

Hetimi paraprak 23andMe, i cili u fillua në prill dhe ende po rekruton pjesëmarrës shtesë – tregon gjithashtu se një variacion i sekuencës ADN në gjenin ABO, i cili ndikon në llojin e gjakut, shoqërohet me një rrezik më të ulët për COVID-19.

Përderisa gjetjet janë bindëse, studiuesi për udhëheqjen e studimeve 23andMe, Adam Auton i tha Bloomberg News se duhet të bëhet akoma më shumë punë.

“Janë ditët e para; edhe me këto madhësi të mostrës, mund të mos jetë e mjaftueshme për të gjetur lidhje gjenetike,” tha ai. “Ne nuk jemi i vetmi grup që e shikon këtë, dhe në fund të fundit komuniteti shkencor mund të duhet të bashkojë burimet e tyre për të adresuar me të vërtetë pyetje që lidhen me lidhjet midis gjenetikës dhe COVID-19.”(Bloomberg)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.