Superdrug nën “shënjestër” nga hakerat -20 mijë klientë të komprometuar

Superdrug është vënë nën shënjestër të hakerave pasi këta të fundit kanë vjedhur të dhënat personale të mijëra njerëzve. Superdrug është shitësi i dytë më i madh në Mbretërinë e Bashkuar (pas Boots), i dyqaneve me pakicë për shëndetin dhe bukurinë.

Kompania u tha konsumatorëve se ishte kontaktuar nga një grup që pretendonte se kishte marrë të dhënat e 20,000 klientëve, duke përfshirë emrat, adresat, datat e lindjes dhe numrat e telefonit. Linja dytë më e madhe në Angli tha se deri tani kishin 386 prova të llogarive të komprometuara.

Një zëdhënëse tha: “Hakerat ndanë një numër të hollësive me ne për të provuar se kishin informata për klientët. Ne ishim në gjendje të verifikonim se ata ishin klientë të Superdrug-ut nga e-mailet e tyre dhe log-in”.

“Ne besojmë se hakeri mori adresat e emailit të klientëve dhe fjalëkalimet nga faqet e internetit dhe më pas i përdori ato kredenciale për të hyrë në llogaritë në faqen tonë të internetit“, tha ajo.

Kompania këshilloi konsumatorët të ndryshojnë sa më parë fjalëkalimet e tyre dhe tha se  kompania merrte përsipër përgjegjësinë për të mbrojtur të dhënat personale të klientëve. Superdrug nuk është shitësi i vetëm që përballet me situata të tilla. Pak kohë më parë  Dixons Carphone, një nga shitësit e pajisjeve elektronike ,tha se të dhënat personale që i përkasin 10 milion klientëve mund të kenë pasur akses  në mënyrë të paligjshme.

e.t/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.