Surprizojnë tregjet në Lindjen e Mesme – Tregojnë performancë të fortë ditë e Diel pas sulmit perëndimor në Siri

Shumica e tregjeve arabe janë përshpejtuar ditën e Diel, ndërkohë që rreziku i përballjes ushtarake mes Shteteve të Bashkuara dhe Rusisë në Siri është zbutur.  Indeksi i titujve të kapitalit në Dubai u rrit me normën më të lartë që prej muajit Korrik dhe 98% e kompanive në indeksin kryesor të Arabisë Saudite (Tadawul), patën performancë të fortë.

Aksionet e kompanive në Abu Dhabi patën rritje me më shumë se 1.3%, duke bërë që indeksi i këtij vendi të rritet në nivelin më të lartë që prej Gushtit 2015.  SHBA, Mbretëria e Bashkuar dhe Franca sulmuan pika të konsideruara të rëndësishme për regjimin e Bashar al Assad në Siri,  sidomos sa i përket prodhimit të armëve kimike. Arabia Saudite deklaroi se do të marrë pjesë në aleancën amerikane nëse do të duhet.

Investitorët patën 2 ditë kohë për të reflektuar mbi sulmin dhe sipas analistëve, ndodhia e fundit nuk ishte një faktor që do të nxiste shitjet në tregje.  Tregjet e Arabisë ranë ditën e Mërkurë në nivelin më të ulët që prej Tetorit, pas komenteve të Donald Trump në Tëitter se sulmi në Siri është i pashmangshëm.  Ditën e Diel, indeksi Tadawul i Arabisë Saudite u rrit me 1.6% dhe asnjë prej 182 kompanive të listuara nuk patën rënie.

Indeksi i Dubait (DFM) u rrit me 1.7%, me Bankën Islame të Dubait që kryesoi me 2.8% rritje.  Indeksi ADX i Abu Dhabit u rrit me 1.2%, ndërsa aksionet në Egjipt dhe Katar patën performancë pozitive gjithashtu.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.