Të dhënat e INSTAT: Gjatë muajit Shkurt 117 aksidente rrugore, me 159 persona të aksidentuar

117 aksidente rrugore kanë ndodhur gjatë muajit Shkurt 2017. Shifrat janë publikuar nga Instituti i Statistikave, ku raportohet se numri i aksidenteve krahasuar me Janarin e vitit 2016 u ul me 13.3 për qind. Ndërkohë, sipas INSTAT rreth 159 persona mbetën të aksidentuar gjatë muajit shkurt, nga 172 që ishte një vit më parë.

“Numri i të aksidentuarve në Shkurt 2017 është 159 persona nga 172 që ishte një vit më parë. Numri i të aksidentuarve në periudhën Janar- Shkurt 2017 është ulur 14,5 %, krahasuar me të njëjtën periudhë të një viti më parë”, thuhet në publikimin e INSTAT

Sa i takon numrit të personave që kanë humbur jetën në aksidentet rrugore në shkurt 2017, sipas INSTAT janë 17.

“Numri i personave të vdekur gjatë muajit Shkurt është 17 dhe krahasuar me mesataren e personave të vdekur gjatë vitit 2016, ky numër është ulur me 22,7 %. Në dy muajt e parë të vitit 2017, numri i personave të vdekur është rritur me 2,6 %, në krahasim me të njëjtën periudhë të vitit 2016. Aksidentet rrugore, në 83,8 % të rasteve, kanë ndodhur nga sjellja e drejtuesit të mjetit. Numri më i lartë i aksidenteve (33,3 %) është kryer nga grup mosha 25 – 35 vjeç. Në Shkurt 2017, numri të aksidentuarve (vdekur apo plagosur) për 100.000 banorë ishte afërsisht 6 persona, krahasuar me mesataren e vitit 2016 ky numër u ul me 25,0 %”, thuhet në të dhënat e INSTAT.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.