Të martën, seancë rekord! 118 deputetë të regjistruar për diskutim
Seanca plenare e ditës së martç mund të rezultojë një nga seancat më të gjata të zhvilluara në vend.
Janë 118 deputetë që janë regjistruar për të mbajtur fjalim në podium. Kohëzgjatja e një diskutimi është 20 minuta e nëse secili deputet zgjedh të mbajë një fjalim në maksimumin e kohës, atëherë seanca do të zgjasë thuajse 40 orë.
Në fund të seancës ku kryeministri iu përgjigj pyetjes së deputetëve për programin qeverisës, kryeparlamentari Gramoz Ruçi lexoi listën e diskutantëve të regjistruar ku rezulton se nga Partia Socialiste janë regjistruar për të mbajtur fjalim 60 deputetë, nga Partia Demokratike 42 deputetë dhe nga Lëvizja Socialiste për Integrim 16 deputetë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.