Testet e pështymës së Covid-19, rezultat në 40 minuta. Franca përpiqet të zëvendësojë tamponin e parehatshëm

Hulumtuesit francezë kanë patur rezultate inkurajuese nga provat e një sistemi të testimit të Covid-19 duke përdorur mostrat e pështymës, që sipas tyre, mund të ofrojnë rezultat në 40 minuta, pa nevojën e një tamponi apo për të dërguar mostrat në laborator.  Sistemi francez kishte një normë të saktësisë prej 87.5% për identifikimin e rezultateve pozitive, kur u provua tek 220 njerëz.  Hulumtuesit thonë se po kërkojnë miratim nga rregullatorët francezë, në mënyrë që sistemi të dalë në treg.  “Është një test që mund të bëhet kudo” – tha Alexandra Prieux, ekzekutive e SkillCell, që zhvilloi testin.

Sistemi, i quajtir EasyCOV, është një ndër opsionet që po zhvillohen në të gjithë botën për të ndihmuar me testimet e Covid-19.  Shumica e testeve varen tek tamponi, që futet thellë në hundë dhe dërgohet tek laboratori ku analizohet duke përdorur pajisje të prodhuara nga shumë kompani të ndryshme. Rezultatet kërkojnë disa ditë. Marrëveshjet kanë sjellë vonesa, që sipas epidemiologëve, pengojnë izolimin e shpejtë të rasteve dhe lënë qeveritë pa zgjidhje tjetër përveç se të aplikojnë masat e karantinës që dëmtojnë ekonomitë.

Sistemi EasyCOV, i zhvilluar në Montpellier nga një partneritet me SkillCell dhe Qendrës Franceze për Hulumtime Shkencore,  përfshin marrjen e një mostre të pështymës nga goja e pacientit me një  tub të vogël. Pacienti mund ta bëjë vetë, ndryshe nga tamponi, që shkakton parehati dhe kërkon administrimin nga një infermier.  Pështyma më pas ngrohet në një pajisje të veçantë të lëvizshme, që është projektuar të përdoret në terren dhe ofron rezultate në 40 minuta. Nëse masa e lëngshme në tub është e verdhë, pacienti ka Covid-19. Nëse është portokalli, ata janë negativë.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.