Testi i antigjenit përpara fluturimeve. Linjat ajrore shpresojnë se kjo do të risjellë besimin e pasagjerëve
Linjat ajrore europiane po mbajnë shpresat tek një test i Covid-19 përpara fluturimit, që jep rezultate aq të shpejta sa një test shtatzënie, në përpjekje për të rifituar besimin e pasagjerëve. Gjermania Lufthansa, që ndodhet në mëshirën e ndihmave qeveritare për të mbijetuar, po bisedon me kompaninë zvicerane Roche, për ofrimin e testeve të antigjenit. Operatori italian, Alitalia, ka bërë të ditur se nisur nga kjo Javë, do të shtojë 2 fluturime nga Milano në Romë, në mënyrë ekskluzive për pasagjerët me teste negative. Testet po admnistrohen nga autoritetet shëndetësore në aeroporte dhe janë të përfshira në çmimin e biletës.
Nëse testet e antigjenit përpara fluturimeve rezultojnë gjerësisht të sigurta, atëherë do të zgjerohen tek itinerar ndërkombëtarë. Ndryshe nga testet molekulare të zhvilluara në laborator, testet e antigjenit nuk kanë nevojë për një makineri që të procesohen. Ashtu si testet e shtatzënisë, ato japing rezultate në rreth 15 minuta. Megjithatë, testet kërkojnë vendosjen e tamponit të parehatshëm dhe nuk janë aq të sakta sa ato molekulare apo PCR. Testet e reja të antigjenit prodhojnë edhe rezultate “negative të rreme”, që nënkupton se të sëmurët mund të kalojën përtej masave brenda në avion. Linjat ajrore po i bëjnë thirrje qeverive që të gjejnë alternativa ndaj kufizimeve të udhëtimit, ndërkohë që rastet në Europë po rriten përsëri. Testet e shpejta të antigjenit që mund të administrohen nga staf jo-mjekësor, pritet të bëhen të disponueshme në javët e ardhshme me një çmim prej 7 dollarë, sipas Shoqatës Ndërkombëtare të Transportit Ajror.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.