Transferimi i studimeve në IAL-të – MAS: Datat e aplikimit janë 7 deri në 19 shtator

7 deri në 19 shtator janë datat  e shpallura nga Ministria e Arsimit për studentët  që kërkojnë të transferojnë studimet e tyre. Më konkretisht bëhet fjalë për studentët të cilët kërkojnë të ndjekin studimet në një program të dytë studimi apo të  transferojnë studimet e tyre në programin e studimit të ciklit të parë në  programet me karakter profesional.

Sipas udhëzimit të ministrisë së Arsimit  këta student kanë të drejtë të aplikojnë deri në 5 programe studimi ndërsa studentët  në trojet shqiptare jashtë kufirit që kërkojnë të vijonë studimet në vendin tonë,  kanë të drejtë të aplikojnë deri në 10 programe studimi. Kandidatët të cilët aplikojnë për transferim studimesh  apo për t’u pranuar në programet dy vjeçare me karakter profesional, nuk kanë kriter  notën mesatare.

Listat e aplikantëve  publikohet me 21 shtator  nga Institucionet e Arsimit të  Lartë. Lista e fituesve shpallet nga IAL-të brenda datës 10 tetor. Fituesit përzgjidhen pas vlerësimit të dosjeve në bazë të kritereve të përcaktuara në mbështetje të udhëzimit të Ministrisë së Arsimit.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.