Transplant ndaj të sëmurës me covid-19 – Mjekët kryejnë për herë të parë këtë ndërhyrje ndaj një vajze të re në SHBA

Doktorët e një spitali në Chicago, Illinois kryen një transplant të dyfishtë mushkërie mbi një paciente, organi kryesor i frymëmarrjes të së cilës ishte dëmtuar shumë rëndë nga Covid-19. Mjekët besojnë se ky është transplanti i parë i këtij lloji në Shtetet e Bashkuara të Amerikës. Disa javë më parë ndërkohë, autoritetet italiane raportonin një rast të ngjashëm transplanti ndaj një pacienti 18-vjeçar të prekur nga covid-19 gjithashtu.

Edhe në rastin e pacientes amerikane, bëhet fjalë për një vajzë në moshë të re, në të 20-tat, e cila ishte duke u trajtuar me imunosupresor kur u prek nga virusi. Ndërkohë që mushkëritë e saj përkeqësoheshin, zemra dhe organet e tjera e kishin të pamundur të furnizoheshin mjaftueshëm me oksigjen.

Pas 6 javësh në ventilim dhe në një pajisje tjetër të avancuar e cila heq gjakun pa oksigjen në trup për t`i shtuar oksigjen, transplanti u pa si e vetmja zgjidhje. Doktorët pritën derisa testi për covid-19 u negativizua, për të kryer transplantin. Pa këtë të fundit, pacientja e re do të kishte humbur jetën, thonë mjekët që kryen ndërhyrjen. Pacientja është ende në terapi intensive, por mjekët shpresojnë se shumë shpejt do të rikuperohet plotësisht.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.