Tronditen tregjet e Turqisë – Lira bie në 5.09 USD. Investitorët shqetësohen për sanksionet e SHBA

Valuta e Turqisë ka rënë në një nivel rekord përtej 5 kundër dollarit, pas vendosjes së sanksioneve nga Washingtoni ndaj 2 ministrave të presidentit Erdogan mbi gjyqin ndaj 1 prifti amerikan me akuzat se mbështet terrorizmin.

Shitja në tregje, që dëmtoi gjithashtu bursat lokale dhe profilin e rrezikut të borxhit të Turqisë, reflektoi shqetësimin e investitorëve ndaj tensioneve me Shtetet e Bashkuara, që është një aleat i NATO-s dhe partner i madh tregtar.

Shtëpia e Bardhë lajmëroi sanksionet kundër Ministrit  të Drejtësisë, Abdullhamit Gul dhe Ministrit të Brendshëm Suleyman Soylu.  Washingtoni ka akuzuar të dy këta për përfshirjen në arrestimin e Adnrew Brunson, një prift nga Karolina e Veriut,  që ka jetuar në Turqi për më shumë se 2 dekada. Brunson është akuzuar për mbështetjen e një grupi që fajësohet për orkestrimin e grushtit të shtetit në vitin 2016. Ai i ka mohuar akuzat por përballet me 35 vite burg.

Lira turke ra në një nivel rekord të ulët prej 5.09 kundër dollarit.  Lira ka humbur rreth 20% të vlerës deri më tani për vitin, e vënë nën presion nga rritja e inflacionit dhe shqetësimeve mbi pavarësinë e Bankës Qendrore, ndërkohë që Erdogan ka bërë thirrje në mënyrë të vazhdueshme për të ulur normat e interesit.

Ministria e Jashtme në Turqi deklaroi se do të kundërpërgjigjet për veprimin “armiqsor” të Washingtonit. “Ne i bëjmë thirrje administratës së SHBA që të tërhiqet nga ky vendim i gabuar”, deklaroi Ministria.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.