Trump kërkon që shkollat dhe vendet e adhurimit në Amerikë të hapen sa më shpejt. Përballet me kritika
Megjithë shqetësimet e vazhdueshme të COVID-19 këtu në Sh.B.A, Trump po bën thirrje që shkollat të rihapen sa më shpejt të jetë e mundur.
Kjo kërkesë, natyrisht, ndodhi në Twitter dhe me Trump duke cituar ato që ai tha se ishin “informacion shumë i mirë” për të cilin ai pretendon se “tani është i disponueshëm”. Për t’i dhënë fund, ai e etiketoi kanalin informativ të lajmeve Fox News.
“Shkollat në vendin tonë duhet të hapen sa më shpejt të jetë e mundur. Kemi informacion shumë të mirë tashmë në dispozicion.” – shkroi shefi i Shtëpisë së Bardhë.
Thirrja e Trumpit për rrezikimin e mundshëm të fëmijëve vjen pasi Qendra për Parandalimin e Sëmundjeve(CDC) njoftoi për vdekjet e lidhura me koronavirusin se numri po afrohet në 100,000. Që nga 24 maj, agjensia po raportonte 97,049 vdekje dhe më shumë se 1.6 milion raste totale. Trump, ndërkohë, bëri golf në klubin e tij në Virxhinia gjatë fundjavës. Të dy aktet e Trump kanë shkaktuar gjerësisht reagime.
Trump gjithashtu kohët e fundit ndau mesazhe në mënyrë të ngjashme në lidhje me vendet e adhurimit. Të Premten e kaluar, ai njoftoi se ekipi i tij po lëshonte udhëzime, në të cilat vendet e adhurimit vlerësoheshin “thelbësore”. Ai gjithashtu u bëri thirrje qeveritarëve të shtetit që të rihapin kishat dhe vendet e tjera të adhurimit, duke kërcënuar se do të tejkalonte kompetencat e atyre që nuk zbatojnë udhëzimet, të cilat në të vërtetë janë të vullnetshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.