Trump paralajmëron Meksikën: ”Merrni masa për të bllokuar karvanin e ri të emigrantëve”
Presidenti i SHBA, Donald Trump, i bëri thirrje Meksikës të marrë më shumë masa për të bllokuar një karvan të ri të emigrantëve dhe azilkërkuesve që udhëtuan drejt Shteteve të Bashkuara, duke përsëritur kështu kërcënimin e tij për të mbyllur kufirin.
“Një karvan shumë i madh me mbi 20,000 njerëzve erdhi përmes Meksikës,” shkroi Trump në Twitter.
Trump ka goditur me imigracionin, një prioritet që ushqeu fushatën e tij presidenciale të 2016 duke siguruar fitoren. Më shumë se 100,000 njerëz u kapën ose u paraqitën tek autoritetet e SHBA në mars, sipas Shtëpisë së Bardhë, e cila tha se ishte numri më i lartë në një dekadë.
Në përgjigje të asaj që Trump e ka përshkruar si një krizë, administrata e tij ka dërguar mijëra trupa të Gardës Kombëtare në detyrë për të përballuar fluksin e migrantëve. Muajin e kaluar, Trump kërcënoi të mbyllte kufirin amerikan-Meksikë, nëse qeveria meksikane nuk do të ndalonte menjëherë migrimin ilegal.
Kreu i Institutit Kombëtar të Migracionit të Meksikës, Tonatiuh Guillen, vuri në dukje një rritje të deportimeve nga vendi, duke thënë se Meksika kishte kthyer 15,000 emigrantë gjatë 30 ditëve të fundit. Ai nuk specifikonte se ku njerëzit u deportuan, por shumica e njerëzve që udhëtojnë nëpër Meksikë në Shtetet e Bashkuara janë nga Guatemala, Hondurasi dhe El Salvadori, ku emigrantët thonë se po ikin nga korrupsioni, dhuna e bandës dhe varfëria e rrënjosur.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.