Vaksina e Moderna, pas 6 muajve – Efektshmëria nuk bie thuajse fare, por do të duhen doza nxitëse në Dimër

Moderna ka bërë të ditur këtë Javë se vaksina e Covid-19 ishte rreth 93% efektive pas 6 muajve të dozës së dytë, duke thuajse mos ndryshuar nga efektshmëria e raportuar në provat klinike.  Megjithatë, të dhënat nuk përfshijnë performancën e vaksinës kundër variantit më të rrezikshëm Delta, që ka shkaktuar infeksione tek njerëzit e vaksinuar plotësisht. Duke marrë në konsideratë variantin e ri dhe pritshmëritë se mbrojtjta me antitrupa do të zbehet me kalimin e kohës, kompania tha se pret që dozat nxitëse do të duhen gjatë Dimrit.

Moderna, së bashku me Pfizer dhe partnerin gjerman BioNtech, që kanë vaksinë me  teknologji të ngjashme, kanë mbështetur dozat e treta nxtiëse, edhe pse zyrtarët e shëndetit publik kërkojnë më shumë prova për nevojën e tyre. Varianti Delta, tashmë mbizotërues në shumë vende, ka sjellë rritje të shtrimeve në spitale dhe vdekje tek të pavaksinuarit.  Pfizer raportoi javën e kaluar se efektshërmia e vaksinës është zbehur me rreth 6% në çdo dy muaj, duke rënë në rreth 84%, 6 muaj pas dozës së dytë.

Presidenti i Moderna, Stephen Hoge, tha në një intervistë se efektshmëria prej 93% mbulon periudhën nga muaji Mars i këtij viti. Të dhënat tregojnë se vaksina e Moderna  ofron ende mbrojtjte në 98% kundër sëmundjes së rëndë dhe është 100% efektive në parandalimin e vdekjeve nga Covid.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.