“WhatTheFont”, aplikacioni që dallon shkrimin në vetëm pak sekonda

Nëse jeni dizenjues apo dikush i interesuar në kaligrafi, duhet të keni hasur situata ku shihni një font por nuk e dini emrin e tij.

WhatTheFont është aplikacioni i cili ju vjen në ndihmë dhe është zgjidhja për situata të tilla.

Ky aplikacion ju lejon që të ngarkoni foton me shkrimin përkatës dhe ju jep rezultate menjëherë lidhur me shkrimin dhe veçantitë e tij.

Gjithashtu përmes aplikacionit mund të blini tekstet përmes MyFont e madje ti ndani në rrjetet social.

Pasi të ketë identifikuar shkrimin, WhatTheFont ju sugjeron dhe një listë me fonte të ngjashme.

Me fjalë të tjera ky aplikacion është një Shazam por për shkrimet.

Procesi i përdorimit të këtij aplikacioni është mjaft i thjeshtë, mjafton të klikoni thjesht një foto të fontit të cilit dëshironi të dini dhe ky aplikacion do t’ju paraqesë rezultate.

Versioni më i fundit i aplikacionit mund të identifikojë disa lloje tekstesh në një imazh të vetëm.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.