1 në 3 tendera pa garë – Basha denoncon abuzimet në ekonomi

Vijon lufta në distancë mes dy kampeve politike kryesore në vend. Kreu i opozitës Lulzim Basha e ka nisur ditën duke postuar një video në rrjetin e tij social Facebook ku denoncon abuzimet në ekonomi. Sipas opozitës në vitin 2017 janë dhënë rreth 70 milionë euro tendera pa garë.

Sipas kreut të Partisë Demokratike shqiptarët janë duke u varfëruar çdo ditë e më shumë si rezultat i korrupsionit.

Në videon e postuar Basha bënë një krahasim të tenderave të dhënë pa garë në 2014 që janë në vlerën e 47 milionë euro. Ndërkohë që në 2017 rezulton që një në tre tendera të jepet pa garë.

Abuzime dhe keqpërdorime të fondeve bëhen edhe me shpenzimet qeveritare, sipas Bashës 229 milionë euro janë përdorur për  luksin qeveritar.

Ndërsa kryeministri Rama e ka nisur më qetë ditën duke ftuar qytetarët që të vizitojnë ekspozitën e hapur në Qendrën për Hapje e Dialog në Kryeministri.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.