20 raste të reja me Covid – Tirana vijon të ketë numrin e lartë të të infektuarve

Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 297 qytetarë ku kanë rezultuar pozitiv 20 raste të reja, duke e çuar në 1184 numrin total të të infektuarve në të gjithë vendin.

Rastet e reja janë përkatësisht: 15 raste në Tiranë, 2 raste në Krujë, 2 raste në Durrës, dhe 1 rast në Kamëz.

Gjatë 24 orëve të fundit janë shëruar 7 pacientë duke e çuar në 898 numrin total të të shëruarve, dhe janë akoma 253 raste aktive.

Aktualisht në dy spitalet Covid janë të shtruar 21 pacientë ku 5 prej tyre janë në terapi intensive dhe 1 pacient është i intubuar, ndërsa rastet e tjera po monitorohen nga mjeku i familjes.

Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.