3.7% me pak të huaj në vend për Nëntorin – INSTAT: Hyrjet nga Kosova u ulën me 26.6%
Numri i shtetasve shqiptarë dhe të huaj që kanë hyrë në Shqipëri gjatë muajit nëntor ka regjistruar një rritje të lehtë prej 2.9% krahasuar me Nëntorin e 2017-ës.
Ndërsa nuk paraqitet pozitive situata sa i takon numrit të shtetasve të huaj të hyrë në vendin tonë. Sipas të dhënave të Institutit të Statistikave, gjatë muajit Nëntor numri i tyre është 246.678, duke shënuar një rënie me 3.7% krahasuar me po të njëjtën periudhë të një viti më parë. Shtetasit anglezë kanë patur edhe rritjen më të madhe me 108.9% sa i përket këtij treguesi.
Ndërkohë, nga ana tjetër shtetasit nga Kosova kanë regjistruar një rënie me 26.6% në krahasim me Nëntorin e një viti më parë, raporton SCAN. Ndërkohë, në njëmbëdhjetë mujorin e 2018, hyrjet nga Kosova janë 2.013.887 duke u rritur kështu me 19%. Po gjatë kësaj periudhe, Janar-Nëntor, Polonia ka patur edhe rritjen më të madhe me 34.5% të hyrjeve më të larta të shtetasve në Shqipëri.
Burimi: Instat
Po ashtu, në rënie është evidentuar edhe numri i shtetasve gjermanë e spanjollë të hyrë në vendin tonë gjatë kësaj periudhe, respektivisht me 29.4% dhe 29%.
Nga ana tjetër, ndryshe ‘flasin’ shifrat s ai takon shtetasve shqiptarë e të huaj të dalë nga vendi, pasi gjatë Nëntorit kanë shënuar një rënie me 6.4% në krahasim me vitin e kaluar.
Referuar të dhënave, shumica e të huajve të hyrë në venin tonë kanë patur qëllime personale, pavarësisht se ky tregues është evidentuar në rënie me 4.5% në Nëntor. Gjatë nëntorit është rritur edhe numri i hyrjeve të shtetasve të huaj me qëllim vizitë në miq e të afërm, me 71.1%. Ndërsa, është konstatuar në rritje njëkohësisht edhe numri i të huajve që vijnë në Shqipëri për pushime, si dhe për qëllime profesionale apo biznesi, me 24.6%.
Burimi: Instat
Genta Dobra/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.