3 faktorë që duhen marrë në konsideratë kur jeni përpara një interviste pune
Intervistat e punës janë zakonisht shansi juaj i parë për të paraqitur veten mirë në një kompani. Kështu që jo vetëm duhet të hyni me këmbën e djathtë, por duhet të përpiqeni ti bëni përshtypje shefit tuaj të ardhshëm e të ktheni përgjigje të sakta në pyetjet që do t’ju drejtohen gjatë intervistës.
- Faktori pëlqyeshmëri
Njerëzit duan të punësojnë njerëz që pëlqejnë dhe që iu duken të përshtatshëm për të punuar me ta. Pra, niveli juaj i pëlqyeshmërisë është faktor shumë i rëndësishëm gjatë intervistës suaj të punës. Punëdhënësit duan të dinë nëse do të përshtateni me pjesën tjetër të të punësuarve. Ata nuk duan ta dëmtojnë figurën e kompanisë së tyre duke punësuar dikë që nuk iu përshtatet.
- Aftësia juaj për të komunikuar mendimet tuaja në mënyrë sa më efektive
Kur iu përgjigjeni pyetjeve gjatë intervistës, është e rëndësishme të komunikoni mendimet tuaja në mënyrë sa më të qartë dhe të besueshëm, ë të kundërt rrezikoni të lini përshtypje se jeni të papërgatitur apo nuk keni besim në vetvete.
- Gjuha e trupit
Komunikimi juaj nuk është i bazuar vetëm në fjalë. Ju duhet të jeni gjithashtu të vetëdijshëm për gjuhën e trupit tuaj. Nëse jeni duke luajtur me flokët tuaja, apo po rrotulloheni në karrige kjo do të nënkuptonte se nuk jeni aspak serioz. Përpiquni të jeni sa më të përqendruar në mënyrë që të ktheni përgjigje të sakta e të krijoni idenë e një personi serioz për të punuar.
Viola Hydi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.