AKU shton kontrollet në teren në prag festash – Asgjëson mbi 31 produkte ushqimore dhe bllokon 200 kg miell misri

AKU njofton se duke qenë në prag festash kontrollet zyrtare nga trupat inspektuese janë intensifikuar dhe gjatë 24 orëve të fundit janë zhvilluar 168 kontrolle zyrtare  dhe monitorime në të gjithë vendin në operatorë të ndryshëm të biznesit ushqimor dhe janë dhënë 28 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore ndërsa është marr një masë administrative me gjobë për tregtim të produktit mish në mungesë të vulës dhe certifikatës veterinare.

Sipas njoftimit gjithashtu janë asgjësuar 31.2774 ton produkte ushqimore  për tregtim të produktit mish pa certifikatë veterinare, për tejkalim të afateve të përdorimit të produktit ujë, për dëmtim të ambalazhimit gjatë transportit të produktit ujë dhe lëngje frutash dhe janë bllokuar 200 kg miell misri deri në daljen e përgjigjes së analizës.

AKU bën me dije se referuar Planit Vjetor të Marrjes së Mostrave me bazë risku është marrë 1 mostër produktesh për analizim të mbetjeve të pesticideve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.