Amnistia fiskale, me difekte – Shano: Administrata tatimore nuk është gati

Iniciativa e qeverisë për të vënë në jetë amnistinë fiskale me qëllim formalizimin e parave që aktualisht janë jashtë sistemit bankar,  nuk është e mirëmenduar. Në një intervistë në skype për SCAN, ekonomisti Dritan Shano thekson se administrata tatimore nuk është gati dhe koha e shtrirjes së amnistisë është shumë e gjatë.

Sipas tij, ata që fitojnë nga kjo iniciativë nuk janë emigrantët, por oligarkët.

Shano thekson se përpara ndërmarrjes së kësaj amnistie, qeveria duhet të tregojë që është partnere me bizneset dhe qytetarët.

Një ditë më parë, kryeministri Edi Rama, bëri me dije detaje nga amnistia për formalizimin kapitalit për të gjithë emigrantët dhe shqiptarët brenda vendit që i kanë të padeklaruara paratë e tyre, frut i një pune të ndershme. Ky process mendohet të ketë një kohëzgjatje prej një viti dhe të ndahet në tre fasha katër mujore. Në të parën detyrimi për të depozituar paratë do të jetë 5% në fashën e dytë 7 dhe në të tretën 10.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.