Analizat për të pasiguruarit – Kostot nga 300 -1500 lekë, mbi 150 teste në ditë pranë specialiteteve Nr.1

Kostot për analiza pranë Poliklinikës së Specialiteteve nr .1 në kryeqytet variojnë sipas kategorisë së pacientëve. Kështu nëse një pacient është i siguruar dhe kalon në sistemin e referimit ka një kosto zero nga xhepi për analizat. Një pacient i pasiguruar por që kalon në sistemin e referimit paguan një tarifë fikse prej 100 lekë.

Ndërsa pacienti i pasiguruar e që nuk kalon në sistemin e referimit mund të përfitojë një sërë analizash që variojnë nga 300 lekë në 1500 lekë.  Specialistja e laboratorit pranë kësaj poliklinike, Elmira Llukaj, shpjegon për televizionin SCAN analizat që mund të përfitojë një pacient.

Fluksi i analizave të kryera në një ditë është në rreth 150  të tilla, ndërsa koha e pritjes për marrjen e përgjigjes së analizave varion nga disa orë në disa ditë.

Ndërkohë që kësaj poliklinike do t’i kushtojnë për muajt e mbetur të vitit, mbi 827 mijë lekë blerja e kiteve, reagentëve dhe materialeve të konsumit për laboratorin.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.