Anketa/ Gjysma e të rinjve nuk voton! Nuk kanë besim, duan të largohen nga vendi

Vetëm 50 për qind e të rinjve do të marrin pjesë në votime në zgjedhjet vendore të 30 qershorit, për shkak se përqindja më e lartë shprehet se nuk ka besim tek asnjë parti politike dhe po ashtu një numër i konsiderueshëm nuk kanë shpresë dhe pretendojnë të largohen nga Shqipëria.

Këto janë rezultatet e Anketës Kombëtare “Rinia në Shqipëri 2019”, të zhvilluar nga CRCA,  ku janë pyetur rreth 1210 të rinj në 12 qarqe të vendit.

Pyetjes se cili është grupimi politik më i hapur për të trajtuar problemet e rinisë, 62 për qind e të anketuarve nuk vlerësojnë asnjë. 49 për qind e të rinjve mendojnë se nuk është akorduar buxheti i duhur për të zgjidhur problemet e tyre.

“Ndërsa ndër problemet më të mëdha me të cilat përballen, të rinjtë listojnë papunësinë, varfërinë, të ardhurat e ulëta, dhe korrupsionin”, – sipas Klaudio Pulaha.

Shqipëria mikëpriti Samitin e Parë Kombëtar të të Rinjve, duke u bërë pjesë e Javës Rinore Europiane,  me temë “Perspektivat e reja për pjesëmarrjen dhe fuqizimin e rinisë”.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.