“Anulim të koncesioneve në shëndetësi” – Basha: Çdo vit vidhen 35-40 milionë euro. Reagon Manastirliu

Anulimi i koncesioneve në shëndetësi do të bëhet që ditën e parë që Partia Demokratike do të vijë në pushtet. Kryedemokrati Lulzim Basha ka qenë i prerë gjatë fjalës së tij në Konferencën për Sfidat dhe Zgjidhjet në Shëndetësi, duke theksuar se nga këto kontrata vidhen 35-40 mln euro në vit.

Paralelisht Basha ripërsëriti angazhimin e tij për rritjen e pagave të personelit shëndetësor në 1200 Euro ne muaj per mjeket dhe 700 Euro ne muaj per infermieret.

Por, pas konferencës të PD ka reaguar ministrja e Shëndetësisë dhe Mbrojtjes Sociale Olgerta Manastirliu, e cila përmes një postimi në facebook risolli në vëmendje situatën e trashëguar në vitin 2013 në spitalet e QSUT-së.  “Fjalët nuk mjaftojnë për të përshkruar gjendjen e shëndetësisë, në kohën e katrahurës së atyre që sot paturpësisht shpallin vizione për shëndetësinë. Ja, këto pamje/fakte ilustrojnë qartësisht vizionin e tyre. Nuk janë realizuar në vendgrumbullime mbeturinash, por janë shkrepur mu në zemër të qendrës spitalore më të madhe në vend vetëm 6 vjet më pare”,-komentoi Manastirliu.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.