Arsimi parauniversitar – Mbi 4 mld lekë nga MAS gjatë 2017-ës, për përmirësimin e shkollave

4 miliardë e 362.4 lekë është shuma e financuar nga Ministria e Arsimit gjatë vitit 2017,  për përmirësimin e kushteve në disa shkolla  9-vjeçare dhe të mesme në gjithë vendin. Gjatë këtij viti  u sigurua financimi për 64 projekte.

Sipas raportit  të monitorimit  të investimeve pranë kësaj ministrie, rezulton se disa  prej këtyre projekteve ende nuk janë mbyllur me vlerë financimi të miratuar me ligjin vjetor të buxhetit si dhe Vendime të Komiteti të Zhvillimit Rajonal në shumën 1 miliard e 943.9 milionë lekë.

Ky investim për realizimin e 64 projekteve të ndryshme, synon sigurimin dhe përmirësimin e kushteve të infrastrukturës në mjediset e sistemit para universitar, shmangien dhe reduktimin e zhvillimit të mësimit me turne, reduktimin e numrit të nxënësve për klasë, me synim realizimin që të gjithë shkollat në zonat urbane të qyteteve kryesore të vendit të arrihet raporti 30 nxënës për klasë për ta bërë procesin e mësimdhënies më eficient.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.