Autobusi anti-COVID – Për herë të parë Italia sjell risinë e transportit të punëtorëve
Një autobus ‘i dedikuar’ për punëtorët e Fincantieri që mund të shkojnë në punë me një mjet të përbashkët duke respektuar gjithnjë distancën sociale të lejuar. Nisma, e para në llojin e saj, është e kryebashkiakut të Sestri Levante, Valentina Ghio dhe e këshilltarit të deleguar për transport të qytetit metropolitan të Xhenovës, Claudio Garbarino, pikërisht për punëtorët e fabrikës Fincantieri në Riva Trigoso.
“Ata janë njerëz që shpesh vijnë nga bashki të tjera dhe për të cilët është dashur të zgjidhet problemi i lëvizshmërisë midis stacionit hekurudhor dhe zonës industriale,” shpjegon Roberto Rolandelli, drejtor operativ i Atp, ndërmarrjes së transportit publik -.
Prej nesër do të sigurojmë një linjë të dedikuar, me 6 udhëtime vajtje-ardhje, midis stacionit dhe hyrjes së truallit të ndërtimit “në përputhje të plotë me rregulloret anti-Covid. Në shumë mënyra do të jetë gjithashtu një eksperiment i parë se si do të duhet të udhëtoni pas fillimit të të ashtuquajturës faza 2.(ANSA)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.