Autoriteti Portual: “Në 6 mujorin e parë udhëtuan 130 mijë pasagjerë më pak se vitin e kaluar”

Autoriteti Portual i Durrësit ka bërë të ditura të dhënat e pasagjerëve që udhëtuan në 6 mujorin e parë të këtij viti me linjat detare.

Në njoftim bëhet me dije se janë rreth 120 mijë pasagjerë që përdorën linjat e trageteve për periudhën janar-qershor. Kjo shifër gjithashtu përkthehet edhe në 130 mijë qytetarë më pak se në të njëjtën periudhë të vitit 2019.

Këtë rënie drastike të numrit të pasagjerëve, Autoriteti Portual e shpjegon me ndikimin e pandemisë COVID-19 që ka ulur lundrimet drejt Italisë dhe anasjelltas, teksa në këtë 6 mujor janë bërë 148 lundrime më pak se në vitin e kaluar.

“Përveç udhëtarëve tragetet kanë transportuar 372 mijë ton mallra me kamjonë dhe trajlerë. Në 6 muaj tragetet transportuan gjithashtu 20,075 autovetura, 28,424 kamionë dhe 2,341 trailerë.” – shkruhet më tej në njoftim.

SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.