Bien çmimet e shtëpive në Mbretërinë e Bashkuar – Rënia e parë tremujore që prej vitit 2012
Çmimi i shtëpive në Mbretërinë e Bashkuar ka shënuar rënien e parë tremujore në më shumë se katër vjet, këto shenja tregojnë se tregu i pronave po bie.
Në tre muaj, çmimet ranë 0.2 për qind krahasuar me tre muajt e mëparshëm, thotë në një raport Halifax. Vetëm në muajin Prill çmimet ranë më 0.1 për qind që do të thotë se ato nuk janë rritur për katër muajt e fundit.
Pothuajse çdo matës në Mbretërinë e Bashkuar tashmë po tregon një ngadalësim të strehimit. Rritja vjetore në bazë të të dhënave nga Shoqëria mbarëkombëtare e ndërtimit është më e dobëta në pothuajse katër vjet, ndërsa fitimet në çmimet e kërkuara për shtëpitë e kanë humbur gjithashtu ritmin.
Miratimet e hipotekave ranë në një gjashtë mujor, sipas bankës së Anglisë. Halifax tha se gjatë tre muajve deri në Prill, çmimet u rritën 3.8 për qind, krahasuar me një vit më parë, më pak se gjysma e normës 10 për qind e arritur në fillim të vitit 2016.
Fitimet e mëdha nga çmimet e shtëpive vitet e fundit – një periudhë e rritjes së dobët të pagave kanë bërë që pronësia e një shtëpie të jetë e paarritshme për shumë, gjë e cila ka frenuar kërkesën.
“Shenjat e një rënieje të ritmit të krijimit të vendeve të reja të punës dhe fillimet e një shtrëngimi mbi financat e familjeve si rezultat i inflacionit në rritje, mund gjithashtu të kufizojnë kërkesën”, Martin Ellis
Viola Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.